Mazda Skyactiv-Vehicle Dynamics və GVC Plus-ın üstünlüklərini artırmaq üçün Mi-Drive funksiyasını təqdim edir. Bu funksiya əhvalınıza və idarəetmə şərtlərinə uyğun olaraq iki sistem parametri - Normal və İdman – arasında bir toxunuşla seçim etmək imkanı verir. Normal rejim asfalt yollarda gündəlik sürüşə uyğun olan rahat, balanslaşdırılmış idarəetməni təklif edir. İdman rejimi isə sürətlənmə və reaksiyaya üstünlük verərək dolanbaclı yollar və traslarda ötmə üçün aktiv, coşğun idarəetməni təmin edir. Sadə keçid açarı və yeddi düymlük TFT LCD displeydə asan oxunan status bələdçisi isə müsbət, intuitiv idarəetməyə kömək olur.

Mazda-nın yeni nəsil tam ötürücü sistemi i-Activ AWD həm istənilən yol şəraityində inamlı idarəetmə təklif edir, həm də ətraf mühitə uyğunlaşa bilir. Eyni zamanda o On-Road Traction Assist funksiyasının da əsasını təşkil edir. Bu sistem gücü ön və arxa təkərlər arasında dərhal optimal şəkildə paylayaraq təkərlərin sürüşməsinin qarşısını almağa və enerji itkisini minimuma endirməyə kömək edir - həm pis şəraitdə idarəetmə qabiliyyətini, həm də yanacağa qənaəti yaxşılaşdırır. Buna yolun qradiyenti və xarici temperatur kimi müxtəlif amillərə görə yol şəraitinin davamlı monitorinqini keçirərək, həmçinin minimum ön təkər sürüşməsini müəyyənləşdirərək nail olur. Bundan əlavə i-Activ AWD fırlanma anının paylanmasını dəqiq tənzimləmək üçün idarəetmə əməliyyatlarınız vasitəsilə niyyətinizi qiymətləndirir. Aktiv tələb sistemi avtomatik olaraq güc paylanmasına nəzarət edir və bu zaman sizdən bir qərar qəbul etməyi tələb etmir, diqqətinizi yolda saxlamağa imkan verir.

Adi daxili yanma mühərrikləri sərf etdikləri yanacağın potensial enerjisinin yalnız təxminən 30%-ni istifadə edir: qalanı isə israfa gedir. Buna görə də Mazda hava-yanacaq qarışığını adi güc aqreqatlarına nisbətən daha çox sıxan və yanacağın hər damlasından daha çox enerji əldə edən yüksək səmərəliliyə malik Skyactiv-G mühərrikini inkişaf etdirib. Kütləvi istehsal olunan mühərriklər arasında bənzəri olmayan bu yüksək sıxılma nisbəti həm yüksək idarəetmə zövqünü, həm də yüksək yanacaq qənaətini təmin edir. Mühərrik optimallaşdırılmış giriş portları və porşen forması, ayrı yanacaq inyeksiyası və soyuducuya nəzarət klapanı da daxil olmaqla bir sıra innovativ Mazda texnologiyaları ilə daha da təkmilləşib.